23 Nentor 2024

Një kokë mermeri e një njeriu që daton nga viti 150 e es është kthyer në Greqi nga Muzeu Arkeologjik i Universitetit të Münsterit në Gjermani. Muzeu e ktheu vullnetarisht artefaktin, pjesë e një relievi funeral nga një varrezë, pasi studiuesit ngritën shqetësime për historinë e pronësisë së tij.

Skulptura tani do të shfaqet në Muzeun Arkeologjik të Selanikut , qyteti i dytë më i madh i Greqisë.Gjatë një ceremonie riatdhesimi, ministrja greke e kulturës Lina Mendoni vlerësoi marrëveshjen si një zgjidhje të drejtë midis dy institucioneve, duke vënë në dukje se rastet e riatdhesimit, në të kundërt, shpesh përfshijnë mosmarrëveshje të gjata ligjore midis vendeve.

Artefakti, i cili iu dhurua muzeut të Münster-it në vitin 1989 nga një koleksionist privat gjerman, kishte një histori të paqartë pronësie përpara blerjes së përhershme. Hulumtimet konfirmuan se koka e mermerit e kishte origjinën nga Thasos, një ishull në Egjeun verior, duke i çuar ekspertët në përfundimin se skulptura ishte me origjinë nga Greqia .

“Kthimi i sotëm,” tha Mendoni, i cituar nga Greek Reporter, “mbart një dimension të veçantë semiotik, pasi nuk përbën përfundimin e suksesshëm të një procesi pretendimi. Në këtë rast, Muzeu i Universitetit të Münster-it vendosi vullnetarisht ta kthejë kokën në Greqi. Kur u konstatua se origjina dhe rrjedha e tij, para vitit 1989 – viti në të cilin u përfshi në koleksionin e Muzeut, si donacion nga qytetarët gjermanë – ishin të paqarta dhe të dyshimta”.

Achim Lichtenberger, drejtor i muzeut në Münster, theksoi vlerën e artefaktit dhe vuri në dukje se kthimi i tij në Greqi do të lejojë që ai të studiohet në kontekst me objekte të tjera të ngjashme. Rrethanat e sakta rreth heqjes së tij nga vendi origjinal mbeten të panjohura.

Në një deklaratë, Lichtenberger ripohoi angazhimin e muzeut ndaj praktikave etike të blerjes, pavarësisht gjetjeve të studiuesve. Ai theksoi se muzeu rishikon rregullisht koleksionin e tij për të siguruar përputhjen me Konventën e UNESCO-s 1970 mbi mjetet e ndalimit dhe parandalimit të importit, eksportit dhe transferimit të paligjshëm të pronësisë së pasurisë kulturore.

A do t’i shtojë karburant të freskët zjarrit mbi debatin për Mermerët e Partenonit vendimi i Muzeut të Münsterit për të riatdhesuar kokën e lashtë të mermerit ?